其實要解決香港球場不足嘅問題,有一個好簡單嘅方法,就係學台灣嘅做法 — 開放學校嘅球場比公衆喺課餘嘅時間用

呢個計劃要成事,其實唔難,首先要有政府踏出一步,正視香港籃球場供不應求嘅問題 (其他運動場都一樣少)。

然後,只要學校做一些簡單的自助登記措施,加上球場使用者自律有手尾清走垃圾、唔搗亂校園、唔加重學校保安工作,學校球場斷不會有什麼管理的問題。

呢個簡單方法,會令 (1) 本來空置嘅學校球場變得有用;(2) 波友有球場打波;(3) 政府展示對香港運動發展的尊重。

所以!不如我地做個聯署,逼香港政府稍微爲香港籃球發展多出少少力。等港府唔好成日得把口,口講支持香港運動發展,然後轉個頭愛理不理不聞不問 – 永遠只係球員拼到頭破血流先衝出嚟扮關注。


P.S. 個聯署可以叫【釋放學校運動場資源暨釋放香港人運動細胞暨期望政府盡力發展香港體壇大聯署】 #請支持釋放學校運動場資源暨釋放香港人運動細胞暨期望政府盡力發展香港體壇大聯署🖖🏼

香港愛民村籃球場

開放學校運動場比公衆適當運用,你覺得可取嗎?


筆名:放低一蚊跟機
作者簡介:鐘意打波同打機嘅香港中坑。

 

讀者投稿

讀者投稿

不論你來自香港、台灣、馬來西亞、澳門、澳洲、美國甚至乎來自星星,極力誌都非常歡迎你們的投稿!天南地北,上至人生,下至健身,NBA 也好,小學籃球也好,籃球戰術也好,即使是籃球衫褲鞋都無問題!只要是和籃球有關的,我們都歡迎! 只要將你的稿件、相關照片或影片郵寄到 support@clutch.hk 就可以!投稿時請註明文章題目、筆名、個人資料和簡介。
讀者投稿
投稿專線: support@clutch.hk