一直認爲Derrick Rose 係個非常值得欣賞嘅球員。
不卑不亢,對住咩對手都唔賣帳。至愛埋頭苦幹 — 佢應該係唯一一個簽名鞋球員而係無用任何社交網絡。沉默寡言卻至爲自信 — 21歲攞MVP之前就斷言「爲何自己不可以」,然後佢又真係用超凡實力將之成真。

”Why can’t I? Why can’t I be the MVP of the league?”

而最可貴嘅係 — 由NBA之巔到簽最底薪合約、多次嚴重受傷、外界如潮嘅質疑;Rose 依然保有自己,堅毅不屈。

近日Rose 回答記者嘅一番話,非常值得細讀、學習。Rose 講嘅係自己如何看「被質疑」這回事,以及如何跨越它。

「(證明質疑者錯作爲動力)非常重要。」

「我29歲,佢地搞到好似我係39歲咁。我仲有能力帶波推進去前場,啲人就搞到我好似我係坐輪椅咁。所有我嘅傷患… 例如我醫生猜度我嘅體能,佢地唔能夠相信我體格有幾好。呢啲小事情就推動我要上陣並加倍努力。」

佢仲講起佢最近一次受傷,並唔係外界所想係因爲體能質素不足,而係因爲佢喺空中嘅時候,比人推開。而比人推開唔係佢可以避免。但係而家嘅球迷,佢地只會喺各個社交網絡睇到精華片段、報告等等,然後就覺得「佢自己又整親喎」。

Rose 就有啲動氣咁講:「啲人有無睇哂成個過程?無。你喺睇波之前就已經留言喇。你直頭連成場比賽都無睇過,所以我無辦法認真看待你。呢個就係我嘅感受,成個睇法就係咁。」

然後Rose 講述如何面對別人厭棄,佢話:「你可以對我有你嘅睇法,例如係『我係個爛人』、『我打唔到波』、『我射唔到波』諸如此類。無問題,cool。我對呢啲睇法係無hard feelings 架。如果你係咁覺得,咁你咪咁樣覺得囉。但同一時間,我唔需要你嘅認同,我知我係邊個。我知道我係個點樣嘅球員。你我都尊重(這實力)嘅話,咁就無咩問題。呢個係我嘅睇法。」

「種一支玫瑰,學它的高傲」

Rose 能否重上昔日高峯,媒體、球評家一致說不。實情是非常困難,但我還是不敢斷言。

喺佢之前,21歲小子得MVP都同樣被視爲不可能,然後呢?

讀者投稿

讀者投稿

不論你來自香港、台灣、馬來西亞、澳門、澳洲、美國甚至乎來自星星,極力誌都非常歡迎你們的投稿!天南地北,上至人生,下至健身,NBA 也好,小學籃球也好,籃球戰術也好,即使是籃球衫褲鞋都無問題!只要是和籃球有關的,我們都歡迎! 只要將你的稿件、相關照片或影片郵寄到 support@clutch.hk 就可以!投稿時請註明文章題目、筆名、個人資料和簡介。
讀者投稿
投稿專線: support@clutch.hk