協恩教練任明敏:

上年對遵理的一場波一直印象深刻,馬拉松賽輸咗係冇仇報的,因為自己球隊組合上來年已不同,對手亦不同,遵理今年亦不見了。上年令三位畢業生王文詩,張楚盈,鄧穎雯留下全年最悲痛的一幕,同自己講過,今年人腳及實力上唔應該會令即將離校畢業的李祉均及尚栩熒留下相同回憶,要她們在協恩籃球上畫上完美句號。在整個馬拉松賽部署方向上是正確的,主要對手如福建中學,裘錦秋中學,漢華中學都是預計內,因此在整體進攻及防守上都做了一些針對性練習。Panasonic 賽在防守上的不足亦改善了,籃板球的控制比過往好,但協防上還有很大的改善空間。

印象較深的是面對福建中學的一場球賽上提醒球員在場內的集中力是很重要的,三分差距絕對係有權輸掉比賽的,馬拉松賽十分鐘一節可能好快就輸掉個勢而導致輸波,這警號亦是提醒球員還有些重要地方可改善。

最滿意真的是最後一場對漢華,盡顯個人技術及整體配合的一場比賽,是全年打得最好的一場比賽,之前Panasonic 覺得只有李祉均擔大旗,當張華倩,謝亦霖,尚栩熒回巢後,馬拉松賽頭幾場賽事亦未能盡顯四子同當大旗的作用,但最後一場看見了,特別係謝亦霖的表現,覺得她是時候出來了,期待已久,其中一球的behind the back dribble 令全場起鬨,華倩全中後身心疲累,喜見她從谷底反彈,打出近期佳作,尚栩熒自DSE後還是未能完全回復狀態,但最後一場盡顯其射手及一貫走快攻的風範,李祉均出手的決心,攻守籃板盡顯大家姐風範。

馬拉松賽講求技術節奏速度體力,後備替補令主力球員有足夠休息應付緊密既比賽係非常重要的,這點我們做到了,雖然我覺得後備球員跟主力技術上仍有很大差距,但今次亦做到為來年練兵的效果。不論練習或比賽也找到了一些下年度的方向,李及尚得分主力離隊當然大受影響,張華倩謝亦霖將會是球隊主力,她們過往並非主力得分者,來年整體組織更為重要,鄒芷婷及司徒曉筠是較為成熟可望兩年後是擔大旗的兩位球員,吳綺君仍是主力中鋒,但還有動作上很多要改善之處,其他都較平均,還看現在班細B Grade 的練習態度及比賽經驗的累積,希望她們先踏實地練習,其他美好事情才可發生。

 

張華倩及謝亦霖在來年擔大旗,有何感覺? 

協恩A Grade 球員謝亦霖:

球隊來年少咗兩個主力,喺進攻得分方面會再下苦功,除咗助攻以外,會多返啲個人得分。防守上亦希望同隊友嘅配合做得更好,盡量減低失誤。

希望喺往後嘅比賽,能夠帶領同連繫到隊中各位發揮穩定嘅表現,比到隊友一種安全感同信心!

img-20140710-WA0002

 

協恩A Grade 球員張華倩:

今年順利贏取四連冠,中六隊友確實幫助很大。來年面對中六的畢業,而幾間主要對手卻沒有變動,對協恩而言,的確是一個挑戰。不過隊中亦有出戰甲組和代表香港比賽的隊友,可以藉住是次機會,用自己的經驗,再次帶領協恩再續歷史。

img-20140710-WA0004

 

協恩A Grade 球員尚栩熒:

能夠喺最後一年以Grand Slam同四冠之後結束中學既籃球生涯,當然係開心同感動。能夠有咁圓滿既成績全靠Miss Lai同Miss Yum耐心既教導同提醒,令到我地可以喺一個又一個既比賽入面發揮得更好,多謝兩位教練。另外,喺最後一個賽事有幸被選為最佳籃球員更加係喜上加喜。

今次整個馬拉松賽事由練習到比賽睇住B、C Grade 嘅隊友都有盡全力去做好自己,希望自己既技術能夠有所提升。雖然可能最後只得一兩場落場比賽嘅機會,但佢地都好珍惜,更希望能夠有好既表現做到教練既要求。

下年我將會同李祉均以觀眾嘅身份支持佢地,希望佢地可以學識堅持,繼續努力練習,力求進步。尤其係B、C Grade既師妹,除左要鞏固自己既基本功,提升個人技術之外,更加要擴闊喺球場上既視野,著重自己每一個細微既動作。期待下年見到更強嘅協恩,加油!

img-20140710-WA0003