年假最佳娛慶節目,莫過於英超BIG4大戰和ALL STAR GAME,今年的入樽賽,是近年最好看的一次,自從新一代球星(例:LeBron James) 唔參加入樽賽後,比賽只剩一班彈弓人參賽以增加市場價值 (印象中這幾年只有GRIFFIN 比較好睇) ,想不到今年的AARON GORDAN 好有驚喜,我冇睇直播,朋友話我知GORDAN 好勁,我腦中只浮現黃峰(Hornets) 的ERIC GORDAN,唔係三分射手來嗎? 哈哈,一睇原來真係堅,接吉祥物旋轉360/JUMPOVER 入樽,唔係跳得就可以做到,佢係有心要SHOWTIME 的,可惜既生瑜,何生亮,撞正個跳高好手,一個手長腳長點跳都有的Z. LAVINE,真係冇計,個人認為,美感創意難度都係GORDAN好些,下年再俾心機吧…

gordon lavine

三分賽大家都以為CURRY冇得輸,佢今年三分實在大恐佈,點知開個次熱K. THOMPSON,佢以27分高分勝出 (個人意見,最尾5球每球2分波好似冇從前咁好睇,我都係懷念LARRY BIRD當年的神射,仲要出手就YES 定個種信心好睇些)

Thompson 3

到主菜ALL STAR GAME,大家睇完兩個比賽應該對ALL STAR 充滿期待吧~ 有KOBE 的最後一舞,CURRY 和DURANT 等百步穿楊射術,好可惜場波對我來說實不好看。先講進攻,兩隊加埋入39X分其實冇意思,上一代都唔係要睇入球SHOW,睇下KOBE防守JORAN,ONEAL爆HAKEEM,睇KIDD同HARDAWAY華麗傳球,我仲好記得O’NEAL快攻上籃和JORDAN避過MARION FADEAWAY反超前一幕。可惜今年明星賽,只見球星過場後拋板ALLEY-OOP和急停三分屢見不鮮,球員切入例變紙牌,係唔想受傷?怕阻人表演?請睇番1996同2003 ALL STAR,有防守的NBA ALL STAR 一樣精彩~

希望下年ALL STAR GAME 唔好咁多HARDEN(眼神防守)啦~

阿佳

阿佳

體育教師,籃壇廿年盡見高低起伏,最鍾意射三分,睇NBA 戰術配合(最欣賞普林斯頓體系)多於個人進攻,歡迎指教