適值立春,真正的馬年之始,回想聖誕期間的學界精英賽各獎項已塵埃落定。當中八男八女更入選賽事最佳陣容,且讓我們看看十六位精英中的精英,及兩隊冠軍隊三位教練,對2014年無論在球隊跟個人方面有甚麼展望吧!

今次受訪的是協恩中學的女將謝亦霖

 

極:能夠入選學體會精英賽最佳陣容,感受如何?

謝:對於入選到精英賽最佳陣容,我覺得好開心,以前細個一直都以依樣作為目標。不過唔會自滿,始終成個賽事都未發揮得理想,喺下年嘅精英賽仍然會繼續努力!同時,我好多謝教練同隊友比我嘅機會同信任,令我喺隊入面發揮到作用,喺球場上面可以放膽打!

 

極:對貴校在本年度Panasonic 邀請賽及學界馬拉松有何期望?

謝:首先當然係希望協恩可以贏到今年嘅Panasonic 同馬拉松喇,再一次做到四連冠。其次就係希望我地可以改善協恩一直嘅不足,因為Panasonic預賽同馬拉松都係打廿分鐘一場,要盡快入局同對手搶分,唔可以再咁慢熱。最後亦都希望協恩成隊齊上齊落,十二個裡面可能會夾住中六至中一不等嘅球員,大嘅可以帶住細,細嘅亦放膽打吸收經驗。

 

極:個人在2014年於籃球方面有何期望?

謝:防守會係我第一樣想改嘅嘢,個人一攰防守就做得特別弱,唔肯移位。同埋自己身形瘦削,面對身形高大嘅對手,對抗性略欠不足。
第二樣呢,就係想學識夾唔同類型嘅隊友,唔係淨係識同某幾個夾。作為控球後衛,再減少啲失誤就好了。
最後,自己一直以黎打波嘅表現上落好大,好海鮮,希望喺2014可以變得更加穩定。

 

極:個人在2014年於籃球外又有何期望?

謝:現讀中五,要好好準備DSE,希望可以為學校效力之餘可以專心學業。

 

img-20140216-WA0003