適值立春,真正的馬年之始,回想聖誕期間的學界精英賽各獎項已塵埃落定。當中八男八女更入選賽事最佳陣容,且讓我們看看十六位精英中的精英,及兩隊冠軍隊三位教練,對2014年無論在球隊跟個人方面有甚麼展望吧!

今次受訪的是協恩中學的女將尚栩熒

 

極:能夠入選學體會精英賽最佳陣容,感受如何?

對於能夠入選學體會精英賽最佳陣容都頗為驚喜,因為我喺整個精英賽既賽事中表現一般,所以無諗過有機會能夠入選最佳陣容。而作為中六既自己,能夠喺中學生涯既最後一年再次入選,都份外高興。

 

 

極:對貴校在本年度Panasonic 邀請賽及學界馬拉松有何期望?

黎緊既5月尾同6月尾分別有Panasonic同馬拉松兩個大賽,而早前我地A Grade其中4個球員喺2014年世界中學生三人籃球錦標賽(資格賽)勝出,將於5月21至26日赴北京參賽,所以我地有機會缺席Panasonic初賽賽事,希望其他隊友,特別係B、C Grade既隊友能夠把握同埋珍惜每一個落場比賽既機會,更希望大家可以喺比賽既時候打出應有既表現同水準。

 

 

極:個人在2014年於籃球外又有何期望?

2014年對於我既其中一個最大考驗係文憑試,我由1月底停哂所有既籃球練習,希望能夠集中喺文憑試既準備,所以希望我能夠喺文憑試考到好成績,入到大學,延續我既籃球夢。

 

img-20140213-WA0007