適值立春,真正的馬年之始,回想聖誕期間的學界精英賽各獎項已塵埃落定。當中八男八女更入選賽事最佳陣容,且讓我們看看十六位精英中的精英,及兩隊冠軍隊三位教練,對2014年無論在球隊跟個人方面有甚麼展望吧!

今次受訪的是寶覺中學的女將梁瑋

 

極:能夠入選學體會精英賽最佳陣容,感受如何?

其實真係無諗過今次精英賽可以入選最佳陣容,因為呢次精英賽係我傷後復出第一場嘅比賽,出場時間唔可以太長,只希望盡力幫學校取得更好嘅成績。呢次比賽前同康復嘅過程,都有好多人比左好多鼓勵同信心去支持我,先令我有機會入選今次比賽嘅最佳陣容。

 

極:對貴校在本年度Panasonic 邀請賽及學界馬拉松有何期望?

因為今年係我岩岩轉到寶覺中學,所以同隊友、教練都需要更多時間磨合。期望可以係每次比賽都有進步,而且係各大賽都可以穩守全港第2嘅成績。同時亦希望拉近同協恩嘅距離,希望可以係學界生涯完結前留段美好嘅回憶比大家。

 

極:個人在2014年於籃球方面有何期望?

由於我上年因為傷患休息左1年嘅時間,狀態同心態都仲有好多進步空間,再加緊練習期望係黎緊嘅日子盡快回復狀態,亦可以再有進一步提升,盡快擺脫傷患嘅陰影。

 

極:個人在2014年於籃球外又有何期望?

下年就輪到我參加DSE公開試,會分配好籃球同讀書嘅時間,努力考入心儀嘅大學。

 

img-20140212-WA0010