適值立春,真正的馬年之始,回想聖誕期間的學界精英賽各獎項已塵埃落定。當中八男八女更入選賽事最佳陣容,且讓我們看看十六位精英中的精英,及兩隊冠軍隊三位教練,對2014年無論在球隊跟個人方面有甚麼展望吧!

 

第一位受訪者就是協恩的張華倩,她是2014年度全港學界精英賽女子組的MVP

img-20140205-WA0000

極:首先講下得獎感受喇!

張:其實自己真係好意外,亦好開心。始終係協恩好既球員好多,競爭好大,我可以突圍而出,我都好多謝隊友既整體配合同埋教練既機會,令我可以發揮得咁好!

 

極:個人喺2014年有咩期望?首先講講關於籃球的期望先。

張:想自己傷患完全康復!因為2013長期比傷患困擾,不會再影響表現。

 

極:咁個人的期望呢?

張:另外來年希望自己可以分配好時間去練習和讀書,因為我係2015就要考DSE,入大學始終都係我首要。要好好分配,以至可以幫協恩拎冠軍,又可以順利入大學對協恩係2014既期望,我梗係希望攞埋淨番兩個大賽既冠軍,同埋想年紀較細既隊友可以把握之後既機會,吸引經驗,因為係精英賽,見到佢地仲未去到可以稱霸既能力!2014有左經驗,可以係黎緊繼續我地既皇朝,打到去另一個層次。